Nuk ka tolerime nga CONMEBOL, që sot njoftoi sanksionet e vendosura në lidhje me përplasjet pas ndeshjes Uruguai-Kolumbi, gjysmëfinalen e Kupës së Amerikës të luajtur korrikun e kaluar. Disa lojtarë uruguaianë ishin ngjitur në tribuna për t’u përballur me tifozët kolumbianë që po shkaktonin probleme në një zonë ku ishin të pranishme edhe familjet e lojtarëve.
Darwin Nunez u pezullua për pesë ndeshje dhe u gjobit me 20,000 dollarë për përfshirjen e tij në përleshje. Rodrigo Bentancur u ndëshkua me katër ndeshje dhe u gjobit me 16,000 dollarë. Mathías Olivera, Ronald Araújo dhe José María Giménez u dënuan me tre ndeshje dhe një gjobë prej 12,000 dollarë.
Sebastián Cáceres, Matías Viña, Emiliano Martínez, Brian Rodríguez, Santiago Mele dhe Facundo Pellistri u gjobitën me 5,000 dollarë secili dhe federata uruguaiane (AUF) do të duhet të paguajë një gjobë prej 20,000 dollarë.
Më në fund, Marcelo García, menaxher i federatës së Uruguait, u skualifikua nga të gjitha garat e CONMEBOL për gjashtë muaj. Të gjitha sanksionet do të duhet të zbatohen gjatë kualifikimeve të Amerikës së Jugut për Kupën e Botës 2026.
