Ish-sulmuesi i Milanit, Andriy Shevchenko ka folur për Milanin dhe në mënyrë të veçantë për Leaon, të cilin e shikon si liderin e ardhshëm të kuqezinjve.
“Unë mendoj se një lojtar si Leao sigurisht që duhet mbështetur, ai është një pasuri për ekipin. Ai gjithashtu duhet të bëjë një hap përpara, ndoshta të bëjë më shumë për ekipin. Një kampion nuk është vetëm dikush që bën gjëra të rëndësishme në sulm, por një lider, ai që ndihmon ekipin në momente të vështira dhe ai ka potencialin për t’u bërë lider, tani duhet ta dëshmojë”.
“Si e shikoj këtë Milan? Nuk do të hyj në aspektin teknik, por tifozët e Milanit janë në pritje të rezultateve. Ka pasur ndeshje të luajtura mirë, ajo kundër Real Madridit ishte fantastike, por Milani ka nevojë për vazhdimësi”.
