Liverpooli është shumë afër transferimit të mesfushorit Moises Caicedo nga Brighton.
“Të Kuqtë” pritet të zyrtarizojnë transferimin e 21-vjeçarit ditën e sotme për një shifër rekorde në Premierligë.
Liverpoolit do t’i kushtojë transferimi i Caicedos plotë 110 milionë funte, sipas raportimeve të gazetarit Fabrizio Romano.
Klubi nga “Anfield” dorëzoi këtë ofertë të majme mbrëmjen e të enjtes dhe kundërshtari nga Premierliga do ta pranojë së shpejti.
“Liverpool dorëzoi ofertën e tyre zyrtare për Moisés Caicedo sonte dhe Brighton do të pranojë. Oferta e Liverpoolit do ta thyejë rekordin anglez të transfertave – deri në 110 milion funte tarifë totale” – ka shkruar Romano në rrjetet sociale.
Ekuadoriani Caicedo është pjesë e Brighton nga viti 2021 ndërsa ka kontratë me klubin anglez deri në vitin 2027./Lajmi.net/
