Ndërkohë që Simone Inzagi është duke shijuar një moment të artë me ekipin e Interit, nga jashtë nuk mungojnë skuadrat që kanë dëshirë t’ua rrëmbejnë italianëve.
Në Milano kanë mbërritur emisarët e Al Hilalit, klub nga Arabia Saudite që kërkon ta transferojë dhe të prezantohet në Botërorin e klubeve me të. Sipas “Gazzetta Dello Sport”, klubi i njohur është gati që të vendosë në tavolinë një ofertë prej 20 milionë eurosh për italianin, që do të gjente atje një lojtar të rëndësishëm si Milinkoviç-Saviç.
Megjithatë, Simone kërkon që të qëndrojë në Milano, pavarësisht se oferta është joshëse dhe e çmendur. Interi është gati që t’ia rinovojë kontratën, edhe pse nuk mbërrin dot në këto shifra.
PANORAMASPORT.AL
