Atmosfera pritet të jetë e zjarrtë edhe në ndeshjen Kosovë – Slloveni, e cila do të zhvillohet më 10 tetor.
Të gjitha biletat janë shitur sipas Federatës së Futbollit të Kosovës, brenda tri orësh që kur dolën në shitje përmes sistemit online.
“Të gjitha biletat për ndeshjen kualifikuese për Kupën e Botës 2026, Kosovë – Slloveni, që zhvillohet më 10 tetor, janë shitur në kohë rekord. Faleminderit tifozëve për përkrahjen e jashtëzakonshme. Ju jeni forca dhe motivi ynë më i madh drejt sukseseve të reja, ka shkruar FFK-ja në Facebook.
Kosova nuk e startoi mirë kampanjën kualifikuese për Botërorin e vitit 2026, kur u mposht thellë 4:0 nga Zvicra por u kundërpërgjigj suksesshëm vetëm tri ditë më pas, kur më 8 shtator e mposhti Suedinë, 2:0 në “Fadil Vokrri”.
Përveç duelit me Slloveninë, Kosova më 13 tetor luan ndaj Suedisë, në udhëtim.
