Pas zhgënjimit në ndeshjet kualifikuese në Kampionatin Evropian, Kosova ka ndërprerë bashkëpunimin me Alain Giresse.
Në katër ndeshjet e para në grupi I ‘Dardanët’ dështuan të fitojnë së paku njërën prej tyre.
Kosova ka pasur punë me Izraelin, që u ndanë baras 1:1 në udhëtim, më pas në shtëpi ndaj Andorrës u mbyll me të njëjtin rezultat.
Teksa, në ndeshjet e qershorit kombëtarja la për të dëshiruar, pas barazimit pa gola ndaj Rumanisë, dhe humbjes zhgënjyese 2:1 me Bjellorusinë.
Humbja e mbrëmshme në Budapest bëri që Giresse të shkarkohet.
Trajneri francez mori drejtimin e Kosovës më 22 shkurt të vitit 2022, shkarkohet më 20 qershor të vitit 2023.
Në 11 ndeshje zyrtare me ‘Dardanët’ ka marrë tri fitore, katër humbje dhe katër barazime.
Mbetet të shihet se cili do jetë trajneri i radhës për kombëtaren tonë./Lajmi.net/
