Pritej një fitore e “Tre Luanëve”, ama edhe një barazim është i mjaftueshëm për djemtë e teknikut Southgate. Pas një nisje spektakolare të lojës, sfida Danimarkë-Angli, nuk ka parë më shumë gola se nga një për secilën skuadër, me përballjen e “Deutsche Bank Park”, të Frankfurtit, që u mnyll në rezultatin 1 me 1.
Ndër lojtarët më kyç, në radhët e “Të Kuqve” skandinavë ishte padyshim “shkatërruesi” i mesfushës, Pierre-Emile Hojbjerg, i cili pavarësisht se nuk arriti të gjente rrugën e rrjetës ishte padyshim, një prej më të mirëve në fushë, duke shkatërruar një sërë aksionesh, të “Tre Luanëve” e për rrjedhojë, duke marrë një vlerësim të lartë nga UEFA.
Me një saktësi pasimi prej 92%, plot 10.5 kilometra të përshkruara në fushën e blertë, dhe siç theksuam më sipër, me një sërë ndërhyrjesh vendimtare specialistët e organit më të lartë qeverësis në botën e futbollit, në Evropë, UEFA vendosën ta shpallnin 28-vjeçarin, si më të mirin e ndeshjes, duke u bërë kështu “Vikingu” i dytë këte edicion, pas Christian Eriksen, që merr një nderim të tillë. /i.m /abcnews.al
Postimi i plotë i UEFA-s:
Big influence 💪@Vivo_GLOBAL | #EUROPOTM pic.twitter.com/CiOfXm8Eqd
— UEFA EURO 2024 (@EURO2024) June 20, 2024
