• Lajmet e fundit
  • Sport
  • Moto GP
  • Formula 1
  • Basketball
Monday, December 4, 2023
No Result
View All Result
Gazeta Sportal
  • Lajmet e fundit
  • Sport
  • Moto GP
  • Formula 1
  • Basketball
No Result
View All Result
Gazeta Sportal
No Result
View All Result
Home Sport

Shkëlqen e gjithë skuadra, njihuni me notat e Milanit në fitoren kundër PSG-së

08/11/2023
in Sport
0 0
Share on FacebookShare on Twitter

Milani arriti një fitore të madhe kundër PSG-së në “San Siro” për të mbajtur gjallë shpresën e kualifikimit në Champions. “Panorama Sport” sjell për lexuesit e saj notat dhe vlerësimet e lojtarëve kuqezi për këtë sfidë.

milan zhiru

MENJA 7 – Në pjesën e parë bëri një dalje fantastike në minutën e 25-të kundër Mbapesë. Administron me kujdes prapavijën, por ka edhe fat te traversa e Dembelesë dhe shtylla e Li.

Digitalb OTT Digitalb OTT Digitalb OTT

KALABRIA 6,5 – Mbape është një klient i komplikuar, por dje kampioni francez e humbi duelin në total me kapitenin e Milanit. Ai bëri një ndeshje të madhe, pa asnjë gabim duke ndihmuar në fazën sulmuese.

TOMORI 7 – I vendosur keq te goli i Shkrinjarit, por i falet, sepse më pas bëhet “muri” tipik në zemër të mbrojtjes. Futi në xhep Muanin dhe Ramosin. Flirtoi edhe me golin, por Donaruma ia mohoi atë kënaqësi.

ÇAU 7 – I ndihmuar edhe nga Tomori zhvilloi një ndeshje të kujdesshme dhe në ajër është monstruoz. Gjithnjë i pastër në ndërhyrje dhe në mbylljen e zonave.

TEO 7 – Treni francez u rikthye që të dominojë në krahun e tij, siç nuk e kishte bërë prej kohësh. Shërbeu një asist perfekt për golin e Zhirusë dhe mundi vëllanë e tij Lukasin në këtë duel edhe familjar.

LOFTUS-ÇIK 8 – Pas vetëm 6 minutash ka në pjatë topin që mund të çonte Milanin në avantazh, por gjuajti keq. Megjithatë, e rriti lojën aq shumë saqë dominoi si përbindësh fizikisht dhe teknikisht në mesfushë. I jashtëzakonshëm!

REIJNDERS 6.5 – Iu desh atij të luante para mbrojtjes dhe jo Musahut. U përpoq të bënte edhe regjisorin, por shumë sukses. Pati një gjysmërasti për gol, por shënjestra e tij është shumë e dobët. Fantastik në pjesën e parë, por bie në të dytën.

MUSAH 6.5 – Në fillim të ndeshjes shpërdoroi një rast të artë duke gjuajtur lehtë drejt Donarumës. Më pas nisi të bëjë punën “e pistë” në mesfushë dhe u jep shkelma të gjithëve. Gjysmë note më pak për atë karton të verdhë që do t’i kushtojë Dortmundin. (Nga min. 84 Kruniç pa notë).

PULISIÇ 5,5 – I rikthyer pas një problemi muskulor amerikani ishte më i dobëti për Milanin. Pati vetëm një rast në minutën e 40-të, por e humbi. I pasaktë në pasime dhe i pazoti në markim. (Nga min. 92 Florenci – pa notë).

ZHIRU 8 – Edhe pse 37 vjeç lufton me bërryla, me zemër dhe në fund shënon. Mbrëmje e madhe për francezin që gatoi golin për Leaon dhe shënoi me kokë duke shtypur Shkriniarin. Nuk bën më kthesat e dikurshme, por sa mirë shënon…

LEAO 8 – I zemëruar nga kritikat, portugezi përgjigjet duke bërë një ndeshje prej kampioni. Goli që shënoi ishte thjesht spektakolar. Në fazën sulmuese u kall frikën rivalëve si askush tjetër. Ishte një ndeshje për kornizë sepse edhe mbrojti shumë. (Nga min. 85 Okafor 6 – Sapo hyri rrezikoi të shënonte. Impakt superpozitiv me ndeshjen).

TRAJNERI PIOLI 7 – E cilësoi si ndeshjen e së vërtetës dhe kështu rezultoi. Mori hak pas shumë kritikave dhe bëri mirë që e priti PSG-në më afër zonës së tij. Goditi çdo lëvizje dhe mori një fitore të madhe.

PANORAMASPORT.AL


Next Post

Ibra kërkohet nga Shqipëria dhe Kosova

Categories

Categories

  • Basketball
  • Boxing
  • Cycling
  • Football
  • Formula 1
  • Futboll
  • Golf
  • Moto GP
  • NBA Recaps
  • nfl
  • soccer
  • Sport
  • Tennis
  • Video

Tags

Champions League MMA MotoGP 2017 Premier League Super Bowl The Presidents Cup UFC US Sports Valentino Rossi Zlatan Ibrahimovic

© 2023 Gazeta Sportal - Lajmet e fundit sportive nga vendi dhe bota.

No Result
View All Result
  • Lajmet e fundit
  • Sport
  • Moto GP
  • Formula 1
  • Basketball

© 2023 Gazeta Sportal - Lajmet e fundit sportive nga vendi dhe bota.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In