Dani Olmo ishte një nga protagonistët kryesorë të ndeshjes mes Spanjës dhe Gjermanisë këtë të premte në Shtutgart, duel që u vendos nga goli i Merinos në pjesën e fundit të kohës shtesë.
Sulmuesi katalanas, i cili shënoi golin e parë dhe i shërbeu të dytin në pjatë Merinos, u zgjodh lojtari më i mirë i ndeshjes, Futbollisti që aktivizohet në kampionatin gjerman me Lajpcig, ia dedikoi suksesin e tij mesfushorit Pedri, të cilit i zuri vendin në minutën e 8-të, pas një dëmtimi serioz.
“Është një nder të luaj me këtë ekip të madh. Ne luftuam deri në fund dhe ia arritëm. Është një gëzim i madh. Tani shpresojmë që dëmtimi i Pedrit nuk është asgjë, se është thjesht një goditje sepse ai është një lojtar shumë i rëndësishëm për ne. Kjo fitore është për Pedrin dhe tani, në gjysmëfinale”, deklaroi Olmo.
PANORAMASPORT.AL
