Shkëndija e Tetovës mendon vetëm për fitore në përballjen e të dielës kundër Voska Sportit në Tetovë, e vlefshme për xhiron e 27-të të Ligës së Parë të futbollit të Maqedonisë. Para mediave për këtë duel foli sulmuesi i krahut, Adenis Shala.
Përballja Shkëndija-Voska Sport luhet të dielën në stadiumin e qytetit në Tetovë me fillim në orën 16:00.
Voska Sport…
Adenis Shala: “Ne jemi përgatitur maksimalisht për këtë ndeshje, kemi punuar gjatë kësaj jave, duke analizuar kundërshtarin. E dimë se nuk do të jetë ndeshje e lehtë, si çdo ndeshje tjetër që nuk është e lehtë.
Ne duhet ta japim maksimumin, secili prej nesh të jetë në maksimumin e tij dhe nga kjo ndeshje të dalim me fitore.”
Humbja nga Struga në mesjavë…
Adenis Shala: “Asnjë humbje nuk është e mirë. Ne ishim duke avansuar, pastaj Struga na ktheu rezultatin, mirëpo kjo te skuadra nuk duhet të ndikojë aspak keq pasi kemi edhe ndeshjen e kthimit. Ne jemi në një moment shumë të mirë dhe duhet të mendojmë e punojmë vetëm për objektivin që e kemi dhe të shohim vetëm përpara.”
Qasja ndaj Voskës…
Adenis Shala: “Ne jo vetëm Voskën, por çdo kundërshtar e respektojmë maksimalisht. E dimë se Voska ka ekip të mirë dhe duke llogaritur rezultatet që ka marrë, mendoj se ka marrë pikë në ndeshje të papritura në pranverë. E dimë se Voska ka ekip të mirë dhe ne me të vërtetë e vlerësojmë maksimalisht Voskën. Neve na mbetet të japim maksimumin me besim se kjo do na sjellë rezultatin e dëshiruar.”.
