Ariedo Braida ka qenë për 25 vite pjesë e bordit drejtues në Milanin e Berluskonit. Për të edhe një përvojë me Barcelonën si drejtuesi. Së fundmi ai është pyetur mbi momentin e Milanit, duke deklaruar se: “Kur gjërat shkojnë mirë, duket sikur gjithçka duhet të shkojë gjithmonë mirë dhe se nuk ka kohë të errëta. Pastaj papritur gjërat pushojnë së funksionuar.
Në futboll, krizat vijnë papritur, është e vështirë të kuptosh se çfarë po ndodh e kjo është ajo që po i ndodh edhe Milanit”. Faj i drejtuesve apo i lojtarëve? Dilema tashmë dihet, por Braida, si ish-drejtues ka prirjen të marrë përsipër përgjegjësi e ndoshta faje.
“Maldini është një figurë që mungon dhe është mëkat. Sepse ai shkroi historinë dhe ka kulturën e Milanit. Kjo është çështja: çdo klub ka nevojë për njerëz që kanë kulturën e ngjyrave që përfaqësojnë. Ndërkohë, Ibra dhe Monkada nuk e dinë ende çfarë është Milani”, tha 78-vjeçari.
PANORAMASPORT.AL
