Pas humbjes 3-1 në transfertë ndaj Romës, trajneri i Milanit, Serxho Konseisao, analizoi momentin e vështirë të skuadrës, duke vënë theksin te detajet që, sipas tij, kanë ndikuar ndjeshëm në rrjedhën e sezonit.
”Ambienti nuk është i lehtë pas një finaleje të humbur. Ka pesë muaj që jam këtu dhe gjithmonë detajet janë negative për ne dhe pozitive për të tjerët, qoftë për gabimet tona apo të të tjerëve. Kartoni i kuq për Gimenez na kushtoi shumë.
Jam shumë kërkues me veten. Do të vlerësoj punën time. Deri sot ishim në zonën Champions, kemi fituar një trofe dhe kemi luajtur një tjetër finale. Por janë detajet si kartonët e kuq që na kanë penalizuar gjatë gjithë sezonit. Më vjen keq që nuk do jem pranë skuadrës në ndeshjen e fundit”, u shpreh Konseisao për “DAZN”, në atë që mund të shihet si ndeshja e fundit në stolin kuqezi.
PANORAMASPORT.AL
