Pas barazimit 1-1 përballë Kaljarit, Tiago Mota është shfaqur i zhgënjyer përballë kamerave, por nuk e bën dramë rezultatin.
“Pas golit ne kërkuam që të kontrollonim ndeshjen dhe kjo ishte diçka që nuk duhet ta bënim. Ne duhet të vazhdonim të sulmonim për ta mbyllur përfundimisht takimin, por nuk e bëmë dhe i dhamë mundësinë Kaljarit që të na barazonte”, u shpreh fillimisht trajneri i “Zonjës së Vjetër”.
NDESHJA- “Sot kemi bërë gjithçka ne. Ne e filluam ndeshjen mirë dhe shënuam, ndërsa me kalimin e kohës i dhamë mundësinë atyre të merrnin veten dhe të fitonin besim. I lejuam ata të rifuteshin në ndeshje dhe na barazuan. Në fund u ndëshkuam me të kuq dhe e kishim të vështirë për të gjetur golin. E patëm të vështirë të mbyllnim ndeshjen”.
KOPMEINERS- “E zëvendësova sepse ai kishte një dhimbje dhe nuk mund të vazhdonte më. Do të shohim gjendjen e tij në vazhdim”.
I KUQI- “Nuk i kam parë pamjet ende, por nëse ishte simulim, vendimi është i drejtë. Është diçka që ne flasim vazhdimisht në mbledhjet që bëjmë, simulimet nuk i bëjnë mirë futbollit. Duhet ta shoh, por unë i besoj gjyqtarit. Sot është hapur një precedent që nuk duhet të ketë më interpretime të tjera”, tha ndër të tjera numri 1 i stolit bardhezi.
PANORAMASPORT.AL
