Lëndimi i Rafael Leaos ka qenë një nga temat kryesore të diskutimit për Milanin këtë fillim sezoni. Sidoqoftë, pas shumë shqetësimesh, tifozët mbeten të shpresojnë se do të shohin yllin portugez përsëri në fushë shumë shpejt.
Në konferencën e tij për shtyp para ndeshjes me Udinesen, trajneri Massimiliano Allegri u shfaq i kujdesshëm kur u pyet për gjendjen e Leaos, duke theksuar se “Shpresojmë ta kemi Rafan përsëri për ndeshjen kundër Napolit”. Leao, i cili ka munguar për disa javë tashmë për shkak të një dëmtimi në pulpën e këmbës së djathtë, fillimisht ishte menduar të rikthehej pas pushimit ndërkombëtar, por progresi i tij ka qenë më i ngadaltë se sa që ishte pritur, përcjell ORAinfo.
Në këtë pikë, lehtë mund të kuptohet shkaku i shqetësimeve: Leao ende po stërvitet i veçuar dhe do të mungojë edhe në udhëtimin e Milanit për ndeshjen kundër Udineses. Pavarësisht këtyre vështirësive, ekipi ka besim se portugezi mund të rikthehet në fushë për ndeshjen e ardhshme të rëndësishme kundër Napolit.
Megjithatë, Allegri mbetet optimist, duke theksuar se Leao “po përparon mirë”, edhe pse shpresat janë të ndara për rikthimin e tij në kohë. Ndërkohë, për Milanin ka një lajm më të mirë: portieri Mike Maignan, i cili kishte pësuar një dëmtim të lehtë në pulpën e këmbës gjatë ndeshjes kundër Bolonjës, është gati për t’u rikthyer dhe mund të luajë në ndeshjen e ardhshme të ekipit kundër Udineses.
Në këtë moment, tifozët kuqezi mund të kenë një arsye të vogël për të shpresuar për rikthimin e Leaos në kohë për përballjen kundër kampionëve të Napolit, një ndeshje që mund të jetë vendimtare për sezonin e Milanit. /ORAinfo/
