Deputeti i PDK-së, Mergim Lushtaku ka komentuar lojën e Shqipërisë me Italinë.
Ai ka thënë se e ka përcjellur në vazhdimësi kombëtaren shqiptare në ndeshjet për kualifikim.
Ai ka thënë se në lojërat kualifikuese Shqipëria ka qenë në nivel të jashtëzakonshëm.
“Sidomos me Republikën Çeke dhe me Poloninë”.
Lushtaku është i befasuar pse nuk është futur në lojë lojtari Daka.
Daka sipas tij “ka ditur të bëjë befasi në momentet e fundit”. Ai ka thënë se ne jemi fatlum që luajmë me këto kombëtare.
“Janë kombëtare që kanë një përvojë të jashtëzakonshëm”, ka thënë ai.
Ai ka vlerësuar se loja e Shqipërisë me Italinë ishte e “mirë, por ndoshta fillimi ke pak entuziast pastaj në fund e lshunën lojën dhe ma shumë u kthyen në mbrojtje gjë që rezultoi pastaj me një kthesë të madhe të italianëve”.
Lushtaku ka thënë se loja e ardhshme e Shqipërisë me Kroacinë “sadopak do të kemi një mundësi më të mirë sesa me Spanjën, se Spanja veç dihet se është një ekip jashtëzakonisht i madh”.
“Shpresojmë që me Kroacinë do të jetë një befasi sadopak me na ngjall shpresat edhe neve që e përcjellim me entuziazëm”, ka thënë ai.
