Duket se në Poloni janë të sigurt për shkarkimin e Fernando Satnos, me kombëtaren polake që duket jashtë Europianit të Gjermanisë.
Siç bëjnë me dije mediat, për 68-vjeçarin nuk do të jetë një shkarkim direkt, pasi e pengon klauzola.
Ai ka një kontratë që e mban në krye të skuadrës polake deri në vitin 2026, por që mund të ndërpritet menjëherë në fund të kualifikueseve nëse nuk arrihet objektivi “Gjermani 2024”.
Kujtojmë që Santos u bë trajneri i Portugalisë në vitin 2014, menjëherë pas shkarkimit të Paulo Bentos, i cili nuk ishte më tekniku i portugezëve pas humbjes nga Shqipëria, gjë që solli më pas triumfin në “EURO 2016”.
Duket se është pikërisht Kombëtarja shqiptare, ajo që kësaj radhe do të sjellë për Santosin shkarkimin nga Polonia.
PANORAMASPORT.AL
