Shqipëria ka kaluar në avantazh në përballjen ndaj Letonisë, falë një goli të shënuar nga sulmuesi Rey Manaj në minutën e 29-të të ndeshjes. Pas një aksioni të mirë të ndërtuar nga kuqezinjtë, Manaj finalizoi saktë duke i dhënë epërsinë ekipit kuqezi.
Skuadra e drejtuar nga trajneri Sylvinho po tregon një paraqitje pozitive në këtë ndeshje, duke kontrolluar lojën dhe duke krijuar raste të rrezikshme përballë kundërshtarëve letonë. Goli i Manajt ka entuziazmuar tifozët shqiptarë, të cilët po ndjekin me pasion zhvillimet e sfidës.
Ndeshja vazhdon dhe Shqipëria synon ta ruajë avantazhin dhe të sigurojë një fitore të rëndësishme.
