Fitore me emocione për Real Madridin, i cili në ndeshjen e parë në Bernabeu në Ligën e re të Kampionëve, mundi 3-1 Stuttgartin. Një rezultat që nuk tregon vështirësinë e Los Blancos, të cilët kaluan përfundimisht në epërsi në minutën e 83-të, më pas erdhi rrumbullakimi i rezultatit në minutën e 95-të.
Pas një pjese të parë 0-0, goli i parë i Kylian Mbappe për Merengues në Champions League arriti në minutën e 46-të, por në minutën e 68-të Ancelotti mori një dush të ftohtë me golin e barazimit të Undav.
Gjermanët nuk qëndruan në heshtje dhe krijuan shumë, duke luajtur në mënyrë të barabartë me kampionët e Europës, deri në golin e Rudiger 7 minuta para fundit.
Më pas, me kalimin e kohës, goli i Endrick, i pari në Champions për të, e bëri rezultatin më të gjerë dhe mashtrues. Gjithsesi tri pikë në xhep për Realin, i cili niset me këmbën e mbarë, pavarësisht lodhjes.
