Ish-mesfushori Bastian Shvajnshtaiger shpreson për rikthimin e Manuel Nojer në portë për kombëtaren gjermane, pasi ai vlerëson cilësitë e tij drejtuese dhe atmosferën.Megjithatë, nëse Nojer nuk kthehet, Shvajni shikon favor Aleksander Nybel si një zgjidhje e përkohshme. Pas dëmtimit të rëndë të Mark-Andre ter Shtegen, “Pancerat” po përballen me sfidën për të gjetur një portier të ri titullar brenda një kohe të shkurtër. Ndërsa Aleksander Nybel nga Shtutgart dhe Oliver Bauman i Hofenhaim konsiderohen kandidatë të mundshëm, ish-kampioni i botës dhe eksperti aktual televiziv Bastian Shvajnshtaiger ka një favorit të qartë, Manuel Nojer. Pavarësisht dorëheqjes së tij pas Kampionatit Europian, Bastian beson se rikthimi i kapitenit 38- vjeçar të Bajernit është zgjidhja më e mirë.
Në një intervistë për “ARD Sportschau” shpjegoi: “Si një tifoz, gjithmonë shpreson se ndoshta do t’i vijë një telefonatë Manus (Manuel Nojerit) dhe ai do të thotë ‘po’, sepse thjesht ka një atmosferë në portë që ndikon te kundërshtari”, tha Shvajnshtaiger.
PANORAMASPORT.AL