Duke folur në një konferencë për shtyp në prag të derbit italian, trajneri Simone Inzaghi iu përgjigj gjithashtu deklaratës së Thiago Motta se Interi dhe Napoli janë favoritë për titullin.
Inter-Juventus është gjithmonë një ndeshje e ndjerë për tifozët, sa rëndësi ka për ju?
Të gjithë e dimë rëndësinë e ndeshjes, çfarë do të thotë për klubin tonë, për tifozët tanë, për veten tonë. Është e nënta e kampionatit dhe sigurisht që nuk do të jetë vendimtare, por do të jetë e rëndësishme.
Përballen dy skuadra të shkëlqyera, që kanë praktikisht të njëjtin rrugëtim në kampionat.
Si është Interi, edhe në planin fizik?
Ne jemi duke bërë mirë, me një seri prej pesë fitoresh radhazi. Fatkeqësisht kemi pasur disa probleme, të cilat do të na kufizojnë në këto ndeshje, deri në pushimin e nëntorit. Lojtarët janë gati, nesër do të përpiqem të hedh formacionin më të mirë të mundshëm në fushë.
