Sigal Prishtina është gati për sezonin e ri në Ligën ENBL, ka paralajmëruar klubi i Superligës së Kosovës në basketboll.
Prishtina, këtë javë nis rrugëtimin në këtë ligë, në të cilën do të paraqitet për herën e dytë.
Ndeshjen e parë, Prishtina e luan në kryeqytet kundër ekipit nga Norvegjia, Gimle që zhvillohet të mërkurën prej orës 19:00 në Pallatin e Rinisë dhe Sporteve.
Krahas Prishtinës, këtë sezon në Ligën ENBL do të paraqitet edhe skuadra e Pejës, e cila ndeshjen e parë e luan në palestrën “Karagaqi” kundër ekipit Riga Zelli më datën 14 tetor.
Sigal Prishtina është pjesë e Grupit 2 kurse Peja do të luajë në Grupin 3, të cilat përbëhen me nga 9 skuadra.
Në total, në fazën grupore do të paraqiten 26 skuadra ku 16 prej tyre do të avancojnë tutje.
