Trajneri i Atletikos së Madridit, Diego Simeone, ka analizuar duelin e kësaj të mërkure në “Metropolitano” kundër Realit, ku do të vendoset se cili nga dy gjigantët e Madridit do të shkojë në çerekfinale.
Një duel në të cilin skuadra e tij duhet të përmbysë deficitin 2-1 nga ndeshja e parë në “Santiago Bernabéu”. Trajneri i Atketikos ka shpjeguar pse beson se ekipi i tij do t’ia dalë të përmbysë Realin. “Unë besoj te lojtarët, kam besim në skuadër, e kuptoj zemrën që kanë lojtarët e mi, ne do të vazhdojmë në këtë Ligë të Kampioneve, sepse ky është objektivi ynë, të arrijmë në finale”, komentoi Simeone.
Argjentinasi ka vënë në dukje dhe aspektin emocional që mbart një përballje e tillë. “Në këtë ndeshje ne luajmë në fushën tonë, me njerëzit tanë që na shtyjnë. Por ajo që ka rëndësi, është ajo që është më poshtë, ajo çfarë ne do të bëjmë në fushë.
Mediat i kanë kërkuar dhe një parashikim me Simeonen që ka qenë i prerë. “”Ajo që ndiej, është se ne dhe Reali do ta përgatisim si mos më mirë takimin. I vetmi që e di se çfarë do të ndodhë, është Zoti”, tha ai.
PANORAMASPORT.AL
