Vojçeh Shezni nuk është nga ata lojtarë që kanë frikë të vënë fytyrën e tyre përballë krizës dhe pas humbjes me Lacion, portieri polak ka lëshuar fjalë të ashpra: “Është një moment i cili duhet të në bëjë të kuptojmë se shumë prej nesh këtu nuk po japin atë që meriton Juventusi.
Shumë prej nesh nuk duken të denjë për Juven. Është një periudhë e vështirë, e cila na shkakton të gjithëve një dhimbje të fortë brenda, por duhet të nisim të kuptojmë se kemi një objektiv të rëndësishëm për të arritur dhe nga ai na ndajnë 8 ndeshje. Mua më vjen keq vetëm që në fushë, në ndeshje, nuk arrijmë të prodhojmë atë që bëjmë në stërvitje. Grupi është i uritur, por diçka fiket sa zbresim në fushë dhe kjo është diçka që duhet biseduar mes ne të gjithëve. Kupa e Italisë është gjithashtu një objektiv që mund ta arrijmë, por duhet një reagim i përgjithshëm.
Presioni na frenon? Jo, madje ky lloj presioni i të qenit te Juvja është i bukur, përndryshe unë dhe kushdo tjetër që s’e përballon dot le të shkojë të luajë kalçeto me shokët”
PANORAMASPORT.AL
