Presidenti i San Lorenzos, Marçelo Moreti, ka vendosur të tërhiqet nga drejtimi i klubit dhe pse më parë kishte deklaruar që nuk dorëhiqet. Gjithçka lidhet me skandalin, që përfshin Moretin në korrupsion.
Duke mbajtur postin e presidentit të klubit të njohur argjentinas, mori një shumë prej 25 mijë dollarësh. Nëna e një futbollisti ia jep në dorë të gjithë shumën e parave dhe kamera e fshehtë e ka faktuar.
Tashmë një investigim është hapur, pasi shuma e dhënë pritej të sillte një favor. Bëhej fjalë për nënshkrimin e një prej lojtarëve nga moshat.
San Lorenzo synon titullin kampion dhe kjo situatë ka tronditur tashmë strukturat brenda klubit.
Postimi i Marçelo Moretit:
“Për të pasur një mbrojtje legjitime dhe të lirë, si në gjykatë ashtu edhe në media, si dhe për të mbrojtur institucionin nga aktet që akuzohem, do të marr një pushim nga detyra si president i San Lorenzos duke filluar nga nesër.
Do të paraqitem si në gjykatat e zakonshme ashtu edhe në Gjykatën e Etikës dhe Disiplinës së klubit për të provuar pafajësinë time absolute. Po e marr këtë leje që drejtësia të hetojë me qetësi dhe transparencë absolute. San Lorenzo është mbi gjithçka dhe mbi të gjithë”.
Skandali në Argjentinë: (VIDEO)
PANORAMASPORT.AL
