Vendimi i arbitrit Pulido Santana për të mos akorduar penallti për Fermin Lopez në ndeshjen mes Barcelonës dhe Gironës dhe për ta kthyer faullin nga në favor të Barcelonës në favor të Gironës, tërboi tifozët blaugrana.
Disa orë më vonë, me publikimin e regjistrimeve audio VAR, zemërimi është amplifikuar. Në dokumentin e publikuar nga “RFEF” (federata spanjolle) në kanalet e saj zyrtare, ka disa shkurtime në atë që do të korrespondonte me dialogun midis gjyqtarit kryesor dhe Figeroa Vaskez në VAR.
Kaq ka mjaftuar që situata të ndizet edhe më shumë. Në Spanjë kanë nisur debatet nëse regjistrimet audio janë të redaktuara, apo më keq akoma të manipuluara. Në regjistrimet e publikuara audio, në asnjë moment nuk përmendet se mund të jetë brenda zonës së rreptësisë.
Për këtë arsye ish-gjyqtari Estrada Fernandez e quajti një gjë të tillë të pafalshme.
PANORAMASPORT.AL
