“Më vjen keq për atë që ka ndodhur. Do doja të kërkoja falje nga thellësia e zemrës për ndikimin që ka patur historia e krijuar te lojtaret”. Ish-trajnerja e Kanadasë(futboll femra), Bev Priestman ka reaguar këtë të hënë duke kërkuar fajle për atë skandal të ndodhur, spiunimin me dron të kundërshtarit, Zelandës së Re.
“Shpresoj se do të se do të vazhdoni t’i mbështesni lojtaret, janë të talentuara”, tha Priestman, e cila tha se do të mbajë përgjegjësi për rastin, i cili është nën hetim.
Priestman, fillimisht u shkarkua nga Federata e Futbollit të Kanadasë, ndërsa më pas u përjashtua nga turneu Olimpik dhe nuk do të ketë të drejtë të ushtrimit të çfarëdo detyre në futboll për një vit.
