Skënderbeu do të luajë përballë Teutës ndeshjen e vlefshme për javën e 22-të të “Abissnet Superiore”. Sfida që do të zhvillohet në stadiumin “Niko Dovana”, do të startojë në orën 16:00.
Një ndeshje në të cilën Skënderbeu kërkon fitoren për të qenë sa më pranë “Final Four”, ndërsa Teuta kërkon pikët e rëndësishme për t’u shkëputur nga fundi i tabelës së klasifikimit.
Korçarët mund të jenë pakëz më të favorizuar për këtë ndeshje.
E para sepse kërkojnë të marrin hak ndaj Teutës, me këta të fundit që i eliminuan nga Kupa duke i mposhtur me rezultatin 2-0. Ndërsa e dyta është se Skënderbeu vjen i motivuar pas fitores spektakolare 4-3 që arriti në “Air Albania” përballë Tiranës.
