Në stadiumi “DG Arena” në Podgoricë, skuadra shqiptare Deçiqi nga Tuzi, ka shënuar fitore me rezultat 2:0 ndaj Mlladostit.
Është fitorja e dytë për ekipin që ka president Pal Dreshaj.
Nuk pati shumë emocione në duelin mes tuzjanëve dhe Mlladostit deri në mesin e pjesës së dytë.
Drashko Bozhoviq paralajmëroi triumfin e mysafirëve në minutën e 65-të, duke shënuar për 0:1.
Në minutën e 67-të Ognjen Stijepoviq ka përfituar nga një gabim i portierit të Mlladostit, Milosh Dragojeviq, duke shënuar për 0:2.
Pas katër javëve në elitën e futbollit malazez, Petrovac është lider me 10 pikë, dy më shumë se Arsenali dhe tre se Deçiqi në vend të tretë.
Teilen:
