Skuadra shqiptare Gostivari është përforcuar me tre futbollistë për edicionin e ri në elitën e futbollit maqedonas.
Mesfusha është përforcuar me lojtarin nga Bosnja dhe Hercegovina, Mustafa Mujezinoviç.
Ai vjen nga radhët e Shkëndisë.
Është edhe anësori Zehrudin Mehmedoviq.
Ai vjen nga Singapori dhe më parë ka luajtur për Rad-in nga Beogradi, Çukariçkin dhe Mlladostin e Lluçanit.
Lojtar i ri është edhe sulmuesi Pepi Gjorgjiev i ardhur nga Shkupi. Gjorgjiev është një lojtar me përvojë i cili përveç
Shkupit ka luajtur për Akademinë Pandev, Bregallnicën, Sileksin, Bellasicën dhe Teutën e Durrësit.
Klubi ka njoftuar se ka vazhduar kontratat me Rexhan Abazin, Emran Ramadanin, Bujar Abazin, Andrej Kirovskin, Fisnik Zukën, Amir Jasharin, Rinor Aydinin, Fahrudin Gjurgjeviqin, Rushtu Jonuz, Stojan Stojçevskin, Gjorgi Tanushevin, Enis Dervishin.
Nga ana tjetër Gostivari nga ndarë rrugët me Antonio Kalanoskin, Simeon Hristovin, Gordian Hristovskin, Darko Stojanovin, Vildan Kerimin dhe Suheib Rushitin.
