Në një analizë të gazetës sllovake “Pravda”, gjasat e Sllovakisë dhe Kosovës për fitore të enjten në Bratislavë janë vlerësuar 50-50.
Sipas kësaj gazete, Sllovakia nuk është favorite, por e ka përkrahjen e tifozëve.
“Pravda” shkruan se Kosova nuk ka arsye të ndihet autsajdere në Bratislavë.
“Kosovarët do të jenë të fortë sidomos në sulm. Kanë dy top-sulmues: Vedat Muriqin e Mallorcas dhe Fisnik Asllanin. Muriqi është golashënuesi i dytë më i mirë në La Liga, ndërsa Barcelona dhe Chelsea po interesohen për Asllanin”, shkruan mediumi sllovak.
Sipas mediumit sllovak, në sulm përparësia është qartë në anën e Kosovës kurse në mbrojtje dhe në portë, “Pravda” ka favorizuar Sllovakinë.
Ndërkohë, Kosovën e ka vlerësuar lart edhe eksperti i futbollit sllovak, Ladislav Borbely, i cili ka insistuar se ka studiar “Dardanët”.
Sipas tij, Kosova është më e mirë se që e ka aktualisht pozitën e renditjen e FIFA-s, ku zë vendin e 79-të derisa Sllovakia është e 49-ta.
Borbely ka insistuar se Kosova është ekip i talentuar nga Ballkani, me elemente të mentalitit gjerman që selektori Franco Foda i ka integruar.
Ai shpreson që shqiponja dykrenare mos të fluturojë mbi Bratislavë, por ka thënë se është vështirë të parashikohet favoriti në këtë përballje.
