Trajneri i Sllovakisë, Francesco Calzona falënderon të besuarit e tij për kualifikimin në raundin e 16-shes të Euro 2024. “Jam i lumtur që kaluam grupin dhe jam i kënaqur me paraqitjen, ishte një paraqitje e shkëlqyer. Ne donim të fitonim për të përfunduar të parët dhe dolëm mirë në pjesën më të madhe të ndeshjes”.
“Rumania është një skuadër e fortë dhe mua më pëlqen se si luajnë. Kemi arritur në raundin e 16-shes dhe duam të arrijmë në çerekfinale për tifozët tanë”.
“Jemi shumë të lumtur që kemi avancuar dhe mendoj se kemi arritur diçka të rëndësishme. Ne ishim në gjendje të luanim tri ndeshje në një nivel të lartë kundër skuadrave që janë më mirë se ne në renditje”.
