I pari në tabelën e Premierligës, Liverpool po i afrohet ndeshjes së Ligës së Kampionëve ndaj Bolonjës me një qëndrim që tregon respekt për kundërshtarin. Në rast suksesi në Anfield, Reds do të ngriheshin në 6 pikë pas suksesit të tyre debutues në kompeticionin e ri në shtëpinë e Milanit.
“Ata janë një ekip shumë i vështirë për t’u mposhtur – tha trajneri Arne Slot -. Ne e dimë se sa e komplikuar mund të jetë të kapërcesh një klub që mbron një kundër një çdo cep të fushës. Dhe pastaj ata janë italianë, kështu që ne nuk i nënvlerësojmë”.
Për më tepër, nesër do të jetë hera e parë për Slot në Ligën e Kampionëve në Anfield:
“Shumë njerëz më thanë se e nesërmja do të jetë e veçantë. Unë dua të shoh dhe ndjej të gjitha këto, ne duhet të jemi gati dhe unë shpresoj që fansat të jenë gjithashtu, shpresoj që ata të kuptojnë dëshirën që kemi dhe se do të jetë një natë e veçantë”.
