Ndeshja e madhe kundër Manchester United përfundoi 2-2 dhe Liverpooli i Arne Slot ruajti kreun e klasifikimit të Premier League me 6 pikë përpara Arsenalit, ndjekësi i parë, megjithatë shpërthyen kritika të ashpra ndaj produktit të akademisë së “The Reds”.
Në veçanti, u kritikua faza e tij pa top, me Manchester United që shfrytëzoi disa herë hapësirat në anën e tij. Shumë mendojnë se ai mund të ishte i ndikuar nga thashethemet për kalimin e tij te Real Madridi. Në lidhje me këtë, trajneri i Liverpoolit, Arne Slot, foli në konferencën për shtypin dje për të dhënë mendimin e tij.
“Nëse pyesni nëntë persona nga dhjetë, ata do t’ju thonë se kjo ka ndikuar te ai, por unë jam një nga dhjetë që do t’ju thotë se nuk mendoj se ka ndikuar. Ajo që e ka ndikuar ka qenë se ka luajtur kundër Bruno Fernandes-it dhe Diogo Dalot, që janë dy titullarë për Portugalinë, lojtarë shumë të shkëlqyer. Dhe besoj se për Trent është më e vështirë të luash kundër Bruno Fernandes dhe Dalot, jo për shkak të thashethemeve që qarkullonin gjatë javës. Por po, ky është mendimi im. Dhe ndoshta të gjithë do t’ju thonë se ka të bëjë me thashethemet.”
