Trajneri i Liverpool, Arne Slot, foli sot për mediat në prag të ndeshjes që “reds” do të luajnë të shtunën ndaj Fulham. Një ndeshje që vjen në një moment delikat për kampionët e Premier League, që në mesjavë u mundën 2-09 nga PSG në Champions League.
“Po e përsëris veten, por e kam thënë shumë here se ndiej shumë mbështetje. Jo vetëm nga pronarët, por ndiej edhe mbështetjen e tifozëve. Kur ishim në Paris, menjëherë pas një humbjeje 4-0 ndaj Manchester City, dhe tifozët këndonin, ‘Të duam, Liverpool’”, deklaroi Slot.
“Është e drejtë të thuhet se u mposhtëm, por shkuam në fund të ndeshjes si mysafirë dhe ata ende këndonin dhe duartrokisnin për ne. Këtë mbështetje, e kemi ndjerë vazhdimisht. Mendoj se klubi e di se në çfarë periudhe kohore ndodhemi. Ndërkohë, ndiej mbështetje të plotë“, deklaroi holandezi.
Më tej, Slot shtoi: “Anfield ka treguar gjatë gjithë histories sa të rëndësishëm janë këta tifozë për ne kur luajmë ndeshje në shtëpi. Një shembull i kohëve të fundit ishte Galatasaray. Patëm një ndeshje të vështirë jashtë fushe, por më pas Anfield tregoi se çfarë do të thotë të jesh i zhurmshëm në të vërtetë. Ata na ndihmuan”.
“Ne u përballëm me kampionët e Evropës dhe përjetuam, atë mbrëmje, jo në nivelin që duam të jemi. Gjëja e mirë është se të shtunën kemi një shans tjetër për të treguar se mund të jemi shumë më konkurrues sesa ishim. Kjo tregon se nëse duam të vazhdojmë të përmirësohemi, duhet të vazhdojmë të luajmë në atë nivel”, tha Slot.
“Para së gjithash duhet të mendojmë për Fulham, aty është fokusi. Këto janë momente dhe periudha kohore përcaktuese. Nuk e kemi vendosur veten në situatën më të mirë për të qenë. Jemi ende në lojë në Champions dhe kemi objektiva edhe në kampionat që duam t’i arrijmë”, përfundoi Slot.
