Slot: Tani nuk ka më vend për gabime, Frimpong do të mungojë për disa javë

Trajneri i Liverpool, Arne Slot, ka konfirmuar se Jeremie Frimpong do të jetë jashtë për “disa javë” për shkak të një dëmtimi në kofshë, por nuk është aq keq sa mendohej fillimisht.

Duke folur përpara ndeshjes me Newcastle në Premier League, të shtunën, Slot tha: “Ai definitivisht nuk do të jetë në skuadër nesër. Ai është jashtë për disa javë, por jo aq keq sa menduam fillimisht. Pra, diçka pozitive nga diçka jo aq pozitive”.

Për Ibrahima Konate, Slot shtoi: “Ai u stërvit me ne dje dhe do të jetë në skuadër nesër. Edhe Curtis Jones është i disponueshëm pasi u shërua, por Joe Gomez“, tha Slot, që i ka bërë apel skuadrës për përqendrim në fushën e lojës: “Çdo periudhë ishte vendimtare. Kjo nuk ka ndryshuar”.

“Sa më afër finishit të jesh aq më pak mundësi ke për të bërë një gabim. Tani jemi në një pozicion ku nuk mund të përballojmë asnjë gabim, kemi bërë shumë më tepër se duhet. Duke pësuar gola në minutën e fundit që nuk i bëjnë drejtësi performancës. Nuk ka më shumë vend për gabime“, tha Slot.