Yann Sommer flet për gjithçka; fundin e sezonit me Interin, të ardhmen dhe portierët më të mirë. Për dallimet mes trajnerëve: “Nuk më pëlqen të bëj krahasime. Kemi kaluar momente të bukura me Simone dhe tani me Christian. Chivu flet shumë me lojtarët, i dëgjon mendimet tona dhe kjo është shumë e rëndësishme. Nga Inzaghi kemi ndryshuar pak në lojë, jemi më vertikalë”.
Për objektivat: “Jemi në një situatë të mirë, kemi edhe 7 ndeshje shumë të rëndësishme. Kupa e Italisë dhe kampionati janë objektiva të mëdhenj, i duam të dy trofetë. Duhet të ecim hap pas hapi dhe të qëndrojmë të fokusuar”. Për sezonin e kaluar: “E humbëm titullin për një pikë, ky është futbolli. Tani mendojmë vetëm për ndeshjen e radhës”.
Për të ardhmen: “Jam shumë i lumtur këtu, do mendojmë pas sezonit”. Për tërheqjen nga Zvicra: “I penduar? 100% jo. Ishte zgjedhja më e mirë për mua dhe familjen”. Për portierët: “Svilar, Butez dhe Courtois më kanë pëlqyer shumë”.
