Java e 27-të e Albi Mall Superligës së Kosovës në futboll vazhdon sot me dy përballje interesante.
Pas dy ndeshjeve të djeshme (e premte), ku Drita shënoi një fitore 1-0 ndaj Feronikeli ’74 dhe Malisheva triumfoi po ashtu 1-0 përballë Prishtinës, sot sytë do të jenë të fokusuar në dy takime të tjera.
Ndeshja më e shumëpritur do të zhvillohet në Suharekë, ku Ballkani do të presë Suharekën në një derbi lokal.
Ndeshja do të startojë në orën 15:00.
Ndërkohë, në një përballje po aq të rëndësishme, Gjilani do të presë Ferizajn në një duel të nxehtë që ka rëndësi të madhe për të dyja ekipet, veçanërisht për Ferizajn, që kërkon me çdo kusht të largohet nga zona e rrezikshme e tabelës.
