Ndeshjet e Premier League për sezonin 2025-26 do të publikohen sot duke nisur nga ora 10;00. Publikimi i kalendarit shënon nisjen e përgatitjeve për sezonin e ri, vetëm pak javë pasi Liverpooli i Arne Slot fitoi titullin në fund të sezonit të kaluar, shkruan KosovaPress.
Tifozët do të mund të shohin se cilat ndeshje i presin ekipet e tyre të preferuara në fillim të kampionatit, gjatë periudhës festive dhe në javët vendimtare të sezonit.
Sunderland është kthyer në Premier League për herë të parë që nga sezoni 2016-17, pasi fitoi ngjitjen përmes fazës play-off. Leeds United u rikthye pas dy vitesh mungesë, si kampion i Championship. Burnley gjithashtu u kthye menjëherë pas rënies, duke siguruar pjesëmarrjen e tyre të nëntë në elitë.
Sezoni i ri do të nisë të shtunën, më 16 gusht 2025, ndërsa raundi i fundit do të luhet të dielën, më 24 maj 2026. Në total do të ketë 33 fundjava loje dhe pesë raunde mesjavore.
Sezoni i ri pritet me entuziazëm, teksa të gjitha 20 klubet do të nisin ëndrrën për sukses dhe surpriza në muajt që pasojnë.
