Të premten luhen çerekfinalet e para të Euro 2024, sfidë mes Gjermanisë dhe Spanjës është konsideruar si një finale e parakohshme. Luis De La Fuente, trajneri i Spanjës, prezanton ndeshjen e nesërme në një konferencë për shtyp.
“Gjermania na respekton ashtu siç i respektojmë ne ata. Unë kam shumë pak shqetësim për deklaratat e tyre. Ne do të luajmë një ndeshje në kushte të barabarta, mund të jetë një finale”.
Qasja ndaj ndeshjes: “Ata gjithmonë fillojnë fuqishëm. Ne do të përpiqemi të përgjigjemi në të njëjtën mënyrë. Gjëja më e mirë është të mbrohemi me një sulm më të mirë. Luajmë kundër një kundërshtari me një ide të ngjashme me tonën. Kushdo që bën më pak gabime ka më shumë shanse për të fituar ndeshjen”.
Çfarë do të jetë më vendimtare? “Unë besoj se forca e një ekipi është të mendojë për të bërë mirë gjërat e veta. Nuk mund të mendojmë se Gjermania do të dështojë. Ne kemi një shans 50%, ka shumë ekuilibër, por vetëm një fitues dhe do të shohim se kush do të jetë”.
“Gjëja më e rëndësishme është të jesh ai që je. Ne nuk mund ta ndryshojmë jetën tonë të përditshme, jemi gjithmonë të tillë. Nesër do të luftojmë me gjithë profesionalizmin dhe forcën”.
Si mund të kufizohet Kroos dhe Musiala? – “Ne kishim menduar t’i lidhnim këmbët, por nuk e di nëse UEFA do të na lejojë. Statistikat ndonjëherë nuk sjellin asnjë avantazh. Do të përpiqemi të sigurohemi që ai të mos e marrë topin lehtë dhe të kufizojmë mundësitë e tij të pasimeve. Të qenit shumë afër ndihmon”.
“Spanja, më e mirë se Gjermania? Nuk kam thënë kurrë se kemi një ekip më të mirë se Gjermania. Kemi një ekip të shkëlqyer. Ashtu si ata. Unë nuk ndërroj asnjë lojtar gjerman për një lojtar timin. Nuk e ndryshoj me askënd. Ata janë më të mirët në botë”.
