Ditën e sotme do të luhet 3 takime mjaft të rëndësishme në Euro 2024. Kështu gjithçka do të startojë me duelin mes Sllovenisë dhe Serbisë, ekipe këto që ndodhen në grupin C. Sllovenia do të tentojë fitoren për të mbajtur hapin e Anglisë që kryesojnë me 3 pikë.
Nga ana tjetër “Tre Luanët” do të sfidohen me Danimarkën. Një duel mjaft interesant që do të fillojë në orën 18:00 dhe do të zhvillohet në stadiumin “Deutsche Bank Park” në Frankfurt.
Ndërkohë e gjithë vëmendja e tifozëve shqiptarë padiksutim do të jetë te dueli mes Spanjës dhe italisë. Një sfidë shumë e rëndësishme dhe që ndikon edhe te kombëetarja shqiptare. Takim ky që do të startojë në orën 21:00 dhe do të zhvillohet në stadiumin “Veltins Arena” në Gelsenkirchen.
Të dyja ekipet kanë nga 3 pikë dhe dueli mes tyre do të vendosë se cila prej kombëtareve do të mund të kualifikohet si e para e grupit B, ndërsa humbësi do të luftojë në ndeshjen e 3-të për vendin e dytë.
