Italia humbi 3-1 ndaj një Spanje dukshëm më të fortë, por përsëri kishte arsye për të festuar. Humbja e njëkohshme e Portugalisë 2-1 kundër Belgjikës i mbajti italianet në vendin e dytë në grupin e tyre(Grupi B), gjë që i kualifikon ata për çerekfinalet, ku do të përballen me Norvegjinë pas një pritjeje 12-vjeçare. Italia nuk kishte avancuar përtej fazës së grupeve të Kampionatit Evropian të Femrave që nga viti 2013.
Në Stadion Wankdorf, italianet zhbllokuan sfidën me një gol të Oliviero 10′, por spanjollet përmbysën gjithçka me Athenea 14′, Patri 49′ dhe Esther González 90’+1 duke u kualifikuar si të parat e grupit me 9 pikë, Italia e dyta me 4 pikë.
Në sfidën tjetër të zhvilluar në Stade de Tourbillon, Belgjika ka fituar me rezultatin 2-1 përballë Portugalisë. Për belget shënuan Wullaert 3′ dhe Cayman 90’+6, ndërsa goli për portugezet u shënua nga Telma Encarnação 87′. Belget në vend të tretë me 3 pikë, ndërsa portugezet mbyllin grupin me 1 pikë.
