Napoli dhe Roma dhuruan spektakël të vërtetë në sfidën e luajtur në “Diego Armando Maradona”, e mbyllur në barazim 2-2, e vlefshme për javën e 25-të në Serie A.
Miqtë gjetën avantazhin që në minutën e 6-të, pas një aksioni të shpejtë dhe kombinimit perfekt të dy nënshkrimeve të janarit, Brayan Zaragoza dhe Donyell Malen, holandezi dërgoi topin në rrjetë.
Barazimi i vendasve erdhi në minutën e 40-të, ku një ish i Romës, Leonardo Spinazzola shënon një supergol me një goditje fantastike nga distanca. Pjesa e parë mbyllet 1-1.
Në minutën e 70-të, Amir Rrahmani gjatë një “dylufitimi” me Malen në zonë, rrëzohet dhe pengon sulmuesin holandez, arbitri jep penallti. Malen tregohet i saktë nga 11-metrat, ndërsa Rrahmani lë fushën i dëmtuar.
Në minutën e 82-të, Alisson Santos i futur në vendin e Rrahmanit barazoi shifrat, me një gol shumë të bukur në kufijtë e zonës së rreptësisë, pas asistit të brazilianit tjetër, Giovane, i sapo futur në fushë si zëvendësues.
Pas këtij barazimi, Napoli renditet i treti me 50 pikë, Roma në vend të katërt me 47 pikë.
