Sipas spekulimeve gjatë muajve të fundit, André Breitenreiter ishte një opsion i mundshëm për stolin e Kombëtares së Kosovës.
Pavarësisht spekulimeve, Breitenreiter tani nuk do të jetë më i lirë, pasi që është bërë trajneri i ri i Huddersfield Town.
Lajmin e ka bërë të ditur vetë skuadra e njohur angleze.
“Jemi të gëzuar që e bëjmë zyrtare emërimin e André Breitenreiter si trajnerin e ri të Huddersfield Town”, shkruante në komunikatën e Huddersfield Town.
Breitenreiter nënshkruan kontratë me Huddersfield deri në vitin 2026, dhe e merr drejtimin e skuadrës së parë që nga java e ardhshme.
