Presidenti i KOK-ut, Ismet Krasniqi, ka pritur në takim kajakuesen, Blandine Xhemajli, e cila muaj më parë vendosi të përfaqësojë Kosovën në garat ndërkombëtare.
Krasniqi falënderoi kajakuesen Xhemajli për vendimin e marrë, duke iu uruar prezantim të denjë të shtetit të Kosovës në garat ndërkombëtare.
Garuesja Xhemajli që tashmë është pajisur me pasaportën e Kosovës, u shpreh e lumtur për pritjen dhe mundësinë e dhënë për të garuar për vendin tonë.
Xhemajli në fundjavë debutoi me Kosovën në garën ndërkombëtare “ECA Ëildëater Canoeing European Championships 2023”, të mbajtur në Matka të Maqedonisë së Veriut, ku u rendit në vendin e 21-të.
Xhemajli shoqërohej edhe nga nënkryetari i Federatës për Kajakim të Kosovës, Shkrep Balidemaj dhe prindi i saj, Mehdiu./Lajmi.net/
