Në thuajse 100 vjet përballje mes tyre, Milani dhe Interi i kanë dhënë jetë shumë ndeshjeve epike. Ja statistikat e ndeshjeve mes tyre:
– Fitorja 2-0 e Interit kundër Milanit i sheh zikaltrit të shkojnë në ndeshjen e dytë me një shans 95.2% për të arritur në finale, ndërsa tani ata janë favoritët e dytë pas Sitit për të ngritur trofeun këtë sezon (38.1%). – Interi e ka mposhtur Milanin tri herë këtë sezon, në turne të ndryshme (Seria A, Superkupa e Italisë dhe Champions). Ata e kanë mposhtur Milanin 4 herë në një sezon vetëm në një rast të mëparshëm, në 1973-’74 (dy herë në Serinë A, dy herë në Kupën e Italisë).
– Pasi mposhti Interin në takimin e parë të sezonit në shtator, Milani ka humbur tri ndeshjet e fundit kundër rivalëve të tij, të gjitha pa shënuar, pavarësisht se ka lëshuar 31 goditje. Kuqezinjtë nuk kanë luajtur asnjëherë katër herë radhazi pa e gjetur golin ndaj Interit në historinë e tyre.
– Vetëm një skuadër në historinë e Ligës së Kampioneve e ka fituar ndeshjen e parë gjysmëfinale me dy ose më shumë gola dhe më pas nuk arriti të përparojë: Barcelona nuk arriti të kualifikohet kundër Liverpulit në 2018-’19-ën, duke fituar ndeshjen e parë 3-0, por duke humbur të dyti 4-0 në Angli. Pikërisht sulmuesi aktual i Milanit Divok Origi shënoi dy herë në atë ndeshje, duke përfshirë edhe në të katërtin.
– Interi do të kërkojë të arrijë finalen e gjashtë të Kupës së Kampionëve /Ligës së Kampioneve dhe të parën që nga 2009-’10 nën drejtimin e Zhoze Murinjos. Nëse ai del mbanë, Simone Inzagi do të ishte trajneri i pestë italian që drejton një ekip italian në një finale të Ligës së Kampioneve, pas Fabio Kapelos me Milanin (3 herë), Marçelo Lipi me Juventusin (4 herë), Karlo Ançeloti me Milanin (3 herë) dhe Masimiliano Alegri me Juventusin (2 herë).
– “Djalli” ka fituar vetëm një nga 16 fazat e fundit me eliminim direkt në Ligën e Kampioneve (8H dhe 7B) – kundër Bajernit të Mynihut në prill 2007 (2-0). Në përgjithësi, Milani – i cili duhet të shënojë të paktën dy gola – ka shënuar vetëm 15 gola në 24 ndeshje jashtë fushe në fazën eliminatore të Champions-it, me një mesatare prej 0.6 gola për ndeshje.
– Interi nuk ka humbur asnjëherë në fazën eliminatore të kësaj Lige të Kampioneve (F3, Barazime 2), duke mbajtur katër herë portën e paprekur në pesë ndeshje. E vetmja skuadër italiane që arriti në finalen e kompeticionit pa humbur në fazat e eliminimit ndërmjet fazës së 16-të, çerekfinaleve dhe gjysmëfinaleve ishte Juventusi, i cili e bëri këtë në sezonet 2014-’15 dhe 2016-’17.
– Në këtë edicion të Ligës së Kampioneve, Interi ka rikuperuar topin dhe ka filluar sekuencat e tyre të hapura të lojës në një distancë mesatare prej 38.5 metra nga porta e tyre. Ky është largimi i pestë më i thellë i çdo skuadre në turneun e këtij viti, dhe shumica e skuadrave që arriti në fazën e eliminimit.
– Të gjithë 23 golat e Olivie Zhirusë në Champions janë shënuar nga brenda zonës së rreptësisë. Që nga viti 2003/’04 (sezoni nga i cili disponohen këto të dhëna), sulmuesi kuqezi ka qenë lojtari me më shumë gola të shënuar në turne me 100 për qind të tyre të ardhur nga brenda zonës së rreptësisë.
– Federiko Dimarlo i Interit ka dhënë pesë asiste në këtë Ligë të Kampioneve, më shumë nga çdo lojtar tjetër. Ky është gjithashtu numri më i lartë i arritur nga një lojtar i Interit në një sezon të vetëm në turne (që nga 2003-’04), së bashku me Samuel Etonë në 2010-’11-ën dhe Uesli Sneijderin në 2009-’10-ën.
– Alesandro Bastoni ka qenë i përfshirë në më shumë sekuenca të lojës së hapur, që përfundon me gol se çdo qendërmbrojtës tjetër në këtë Ligë të Kampioneve (tetë). Në fakt, Bastoni kryeson lojtarët e Interit në garën për tentativa sulmuese (617), përparime me top (70) dhe pasime drejt vijës së frontit kundërshtar (65).
– Milani ka përmbysur vetëm një herë në historinë e vet një ndeshje Champions-i, pasi kishte humbur të parën me dy gola disavantazh. Me Okserin në 1985 fitoi 3-0 në “San Siro”, pasi ishte mundur në Francë 3-1.
PANORAMASPORT.AL
