Steven Zhang, presidenti i Interit, iu bashkua skuadrës në kampin e tyre stërvitor japonez në Tokio, ku skuadra do të përballet me PSG në një miqësore të martën. Presidenti pati një samit me Simone Inzaghi, Pierro Ausilio dhe Giusseppe Marotta ku u diskutua qartë me merkaton, duke filluar nga Sommer dhe te sulmuesi i ri.
“Ky është ekipi im, ky është Interi im më i fortë, më i ri dhe më inovativ. Le të synojmë yllin e dytë”, tha Zhang në samit.
Në takimin e merkatos, situata e portierit Sommer u rishikua dhe Inzaghi u sigurua se zviceriani do të jetë zikaltër që në përfundim të turneut japonez. Më pas është diskutuar edhe për një sulmues. Alvaro Morata ishte i preferuari i Inzaghit, por spanjolli është refuzuar për shkak të moshës, kostos dhe prej faktit që ai nuk ishte shumë entuziast për të veshur fanellën zikaltër.
Dy emrat e tjerë janë Beto i Udineses dhe Balogun i Arsenalit. Beto ka karakteristikat e Lukakut, ndërsa Balogun pëlqehet shumë edhe nga presidenti zikaltër, pasi është shumë teknik dhe lojtar goli.
