Çështja e basteve që ka përfshirë Nikolo Faxholin ka hapur skenarë të frikshme te Juventusi, duke qenë se nëse mesfushori do të dënohet, siç duken edhe të gjitha gjasat, pasi vetë italiani e ka pranuar.
Trajneri Alegri do të gjendet në vështirësi të mëdha për sfidën me Milanin, apo qoftë edhe pas saj e deri në merkaton e janarit, ku tashmë duhet me çdo kusht që të ndërhyhet. Kjo, sepse mesfusha nis që të mbetet bosh, duke qenë se përpara Faxholit Juventusi kishte humbur edhe Pol Pogbanë për doping, dy raste të e errëta që në Torino do të kishin dashur t’i shmangnin me kënaqësi. Por ajo çfarë është më e keqja, asgjë nuk përfundon këtu.
Ditën e djeshme, stafi mjekësor i Kombëtares së Italisë ka vendosur që të kthejë në shtëpi Federiko Kiezën, problemi muskulor i të cilit jo vetëm që nuk u rikuperua për të qenë në gatishmëri për eliminatoren e sotme me Maltën, por juventini nuk mund të bëhet as për supersfidën e 22 tetorit me Milanin. Kjo do të thotë se alarmi përreth “Zonjës së Vjetër” është bërë shumë i madh dhe nëse Kieza nuk rikuperon, trajneri Alegri duhet të shpikë vërtet diçka të rëndësishme për të qenë i denjë përpara kryesuesve të Serisë A.
PANORAMASPORT.AL
