Bajerni i Mynihut ka të ngjarë të jetë pranë zgjatjes së kontratës me një nga lojtarët e vet kyç.
Negociatat me Leroi Sane me sa duket janë në fazën përfundimtare dhe shumë shpejt pritet nënshkrimi i bashkëpunimit të ri mes klubit dhe sulmuesit të krahut. Sipas informacioneve nga “Sky”, anësori pritet të nënshkruajë një kontratë të re që javën e ardhshme. Kontrata e re është planifikuar të zgjasë deri në vitin 2028.
Sane kishte sinjalizuar që në fillim të sezonit se donte të vazhdonte karrierën e tij në Mynih. Tani marrëveshja përfundimtare duket se është e afërt. Sipas “Sky”, Sane madje ka refuzuar disa oferta fitimprurëse për të qëndruar te Bajerni përfshirë një ofertë gjigante prej 100 milionë eurosh neto nga Al-Itihad në Arabinë Saudite. Thuhet se edhe Arsenali ka treguar interes konkret, por 28-vjeçari ka qenë kundër një ndryshimi.
PANORAMASPORT.AL
