Arsenali mposhti Manchester Utd në “Old Trafford” me rezultatin 0-1, duke e çuar garën për titull në Premier League në javën e fundit të sezonit.
“Topçinjtë” duhet të mposhtin Everton dhe Mançester Siti duhet të humbasë pikë. “Qytetarët” luajnë me Totenhemin të martën dhe më pas me Uest Hem-in të dielën.
Arsenali është një pikë përpara Cityt. Topçinjtë kanë një gol diferencë me rivalët e Pep Guardiolës, kështu që nëse skuadrat përfundojnë në barazim me pikë, Arsenali do të fitojë titullin.
Duke folur pas ndeshjes për “Sky Sports”, sulmuesi i Arsenalit, Kai Haverc, deklaroi: “Unë do të jem tifozi më i madh i Totenhamit të martën. Të gjithë do të jemi me Totenhemin”, u shpreh Haverc.
Kujtojmë që Totenhemi dhe Arsenali në të kaluarën kanë pasur një rivalitet të ashpër për shkak të derbit të Londrës.
