Rey Manaj mund të transferohet në Bundesligën gjermane. Sipas raportimeve nga Turqia, agjentët e futbollistit e kanë ofruar atë te Borussia Monchengladbach.
Klubi gjerman është në kërkim të një sulmuesi dhe drejtuesit kanë marrë një propozim të rëndësishëm, siç është Manaj.
Shqiptari pritet të largohet nga Sivasspor në fund të sezonit, ndërsa ka një klauzolë lirimi prej 4 milionë eurosh.
Manaj këtë sezon ka shënuar 10 gola dhe ka asistuar 5 të tjerë. Në total me Sivassporin numëron plot 32 gola.
